Dood-cilmiyeed lagu falan qeynayay dhibaatada guurka deg degga iyo furriinka dhakhsaha ah ayaa lagu qabtay magaalada sanca ee ee dalka Yemen waxaana ka qeyb qaadanayay Aqoonyahanno iyo odaal arrimahaasi waayo arag ku ah.
Sanca: Yemen- Dood-cilmiyeeddan waxaa soo qaban-qaabiyay guddiga qaxootiga Soomaalida ee Sanca waxaana lagu lafa gurayay dhibaatada ka dhex aloosanta qoyska oo asalkeeduna uu yahay quurka qaldama aayihiisuna uu furriinka noqdo kaasoo aad ugu dhex badan Soomaalida Yemen qaxootiga ku ah,Guddoomiyaha guddiga qaxootiga Soomaalida Max’ed Cabdi Aadan oo Gaboobe loo yaqaanno ayaa idaacadda Bar-kulan uga warramay sababta ku xambaartay in dood-cilmiyeed cinwankaasi wadata ay soo qababn-qaabiyaan.COD.
Intii ay dooddu soconeysay waxa ay aqoonyahannadii ka qeyb-qaadanayay iyo kazoo qeybgalaayiishaba isku weydaarsadeen Aragtidooda ku aaddan dhibaatadaasi sii kobceysa iyo cidda sababta u ah rag mise dumar ,waxaanay labaduba isku tuur-tuureen masuuliyadda mashaalkilkaasi iyadoo haweenkii kazoo qeyb-galayna ay iska foogeeyeen eedeymaha loosoo jeediyay iyagoo dhibkaasi raga qoorta u sureen .
Gaboobe waxa uu sheegayaa in ay jiraan dumar si qaldan diinta u fahmay isla markaana goobo fara badan oo kala fog rag kala duwan ku guursanaya iyadoonay kala tagin kuwii hore.COD.
Waxaa hadlkaasi xaqiijinaya Faadumo Xasan Xaashi oo kamid ah haweenkii doodda wax ka wadaagayay hase ahaatee waxa ay sheegeysaa in culimadu ay kaalin ku leeyihiin tallaabooyinka qaldan ee ay haweenku ku dhaqaqayaan isla markaana ay masuuliyadaasi si gaar ah raggu u leeyihiin ,maaddaama aanay Soomaalidu inta badan gabdhaha waxbarin ,rag culumo sheeganayana ay sii marin habaabiyeen gabadhii aan markeedii horeba waxba la barin COD
Inkastoo inta badan raggu ay sheegayeen in guurka hallaaba ee aan lagu raagin ay dumarka sabab u yihiin oo ay marka horeba dan gaar ah ninka ku raacaan ,isla markaana ay dhibka ugu weyn eek ala tagga ka dhasha iyga la kulmaan ayey Deeqa Max’ed Yuusuf ku doodeysaa in jileyca dumarka ay raggu ka faa’ideystaan ,isla markaana aanay kazoo bixin waajibaadkii iyaga saarnaa ee ku aaddanaa in haweenka loo naxo.
C/hi Xirsi diirshe Daacad oo ahaa oday Soomaaliyeed qeybna ka ahaa aqoonyahanka doodan kaalinta ku lahaa ayaa aragtidaasi deeqa la wadaaga isagoo xusay in haweenku ay dowlad la mid yihiin ,waxqabadka laga sugayo dowladda kasowona loo baahyan yahay in dhowro oo ilaalo laga hayo si aanay u dumin ,waxaanu raga ku eedeeyay inaanay kazoo bixin kaalintoodii ku aaddaneyd dhowrista iyo u damqashada dumarka.
Waxaa leysku raacay in xulashada raga ama haweenku ay muhiim tahay loona baahan yahay in labaduba ay aad uga fiirsadaan si aan iin laheynna u xushaan qofka ay mustaqbalka la wadaagayaan sida uu ku taliyay Jaamac Max;ed Bullaale oo kamid ahaa dayaashii waayo-aragnimadooda barnaamijka kaga qeyb qaadanayay.
Gunta dood-cilmiyeeddan ayaa noqotay in rag iyo dumarba ay wadaagaan dhibaatada furriinka deg-degga ah keenta sidaasi daraadeedna ay lagama maarmaan tahay in qolo walbaa ay dhinaceeda kaga darbato wax ka qabashada mashaakilkaasi noqday mid Soomaalidu ay ku tilmaaman tahay ,waxaana leysku afgartay in lasii dhaqaajiyo wacyi gelinta iyo baraarujinta bulshada ,taasoo hoosta laga wada xarriqay in ay fure u tahay albaabka looga gudbayo dhibaatadaasi bulshada ku habsatay.