Qodobbada heshiiska ayaa la sheegay inay ku jiraan iskaashi labada wasaaradood dhexmara si loo xoojiyo wax soo saarka dhinaca beeraha ee Soomaaliya iyo weliba sidii ay ula xisaabtami lahaayeen hay'adaha ku shaqada leh beeraha.
Kulanka kadidb ayaa waxaa shir jaraa'id qabtay wasiirka beeraha iyo xanaanada xoolaha aSoomaaliya, C/llaahi Xaaji Xasan iyo wasiirka beeraha, xanaanada xoolaha ee Puntland, Inj. Maxamuud Xaaji Saalax iyagoo faahfaahin ka bixiyay heshiiska ay wada-gaareen.
Labada wasiir waxay sheegeen in heshiiskooda uu ugu weyn yahay sidii loo horumarin lahaa wax soo saarka beeraha, sidoo kalena dib u dajin loogu sameyn lahaa dadkii ay soo barakiciyeen abaarihii ku dhuftay gobollada Koonfurta Soomaaliya.
Labada wasiir waxay sheegeen in heshiiskooda uu ugu weyn yahay sidii loo horumarin lahaa wax soo saarka beeraha, sidoo kalena dib u dajin loogu sameyn lahaa dadkii ay soo barakiciyeen abaarihii ku dhuftay gobollada Koonfurta Soomaaliya.
Wasiirka beeraha, xanaanada xoolaha iyo biyaha ee Puntland ayaa sheegay inuu aad ugu faraxsan yahay heshiiska ay wada-gaareen wasaaradiisa iyo wasaaradda DKMG ah, wuxuuna sheegay inay xoojin doonaan iskaashiga ay leeyihiin.
Dowladda KMG ah iyo Puntland ayaa waxay madmadow u dhexeeya meesha ka saareen markii ay madaxweynaha Soomaaliya, Sheekh Shariif iyo ra'iisul wasaare, C/weli Maxamed Cali ay booqasho ku tageen Puntland, halkaasoo ay wadahadallo kula soo yeesheen madaxda maamulkaas.
Maxamed Xaaji Xuseen, Hiiraan Online