Qiso aan
la rumaynin marka ay dhacday, dood weyn ayayna dhalisay, sanadka 1939
aabbe ayaa wuxuu gabadhiisa oo jirto shan sano u qaaday isbitaal isagoo
arkay caloosheeda aad u bararsan, wuxuu u malaynayay inuu ku dhacay
cudur dibirow, laakin marka la baaray waxaa la sheegay inay uur
leedahay, aabaha aad buu u naxay markuu maqlay warkaas, isbitaal kale
caasimada Lima ee dalka Peru ku taalla ayaa loo qaaday si loo xaqiijiyo
uurka, dhakhaatiirtii isbataalkaas oo dhan waxay isku raaceen uur inuu
jiro uurkana uu yahay 7 bilood, gabadha lagu macaabayay liina ayaa
dhashay iyadoo jirto 7 sano 8 bilood, waxay dhashay cunug 6 kiilo ah oo
caafimaad qabo, aabihii ayaa la xiray oo waxaa lagu eedeeyay sinada
qaraabada, laakin waa la soo daayay marka la waayay caddeyn, sida ay
sheetay jariidada New york times 1941 uurka da'an waa wax aan dhici
karin, laakin liina xaaladeeda aad bay uga duwan tahay ilmaha kale,
caqli waxay lahayd aad u sarreeya, cunugga waxaa loo bixiyay jiiraaldo,
ma ogaanin arinta ilaa uu ka gaaro toban sano marka ay caruurta iskuulka
isla dhiganayaan ku jeesjeeseen oo ay arinta ku dhaheen.
